కావలసినవి:
పన్నీర్: 200 గ్రా.. ఉల్లిపాయ: ఒకటి,టొమాటోలు: నాలుగు, అల్లం: చిన్న ముక్క, వెల్లుల్లి: నాలుగు రెబ్బలు, పుదీనా ఆకులు: పది, పచ్చిమిర్చి: నాలుగు, యాలకులు: ఒకటి, లవంగాలు: రెండు, వెన్న: రెండు టేబుల్ స్పూన్లు.
తయారుచేయు విదానం:
పాన్ లో వెన్న వేసి వేడి చేయాలి. తరువాత పన్నీర్ ముక్కల్ని ఎర్రగా వేయించి తీయాలి. తరువాత అదే పాన్ లో యాలకులు, లవంగాలు వేసి ఓ సెకను వేయించాలి. తరువాత సన్నగా తురిమిన వెల్లుల్లి, అల్లం, పచ్చిమిర్చి, ఉల్లిపాయ ముక్కలు వేసి వేయించాలి.
ఉల్లిపాయలు బంగారు వర్ణం లోకి మారిన తరువాత టొమాటో ముక్కలు వేసి 15 నిమిషాలు వేయించాలి. వేగిన తరువాత స్టవ్ మీద నుంచి దించి పుదీనా ఆకులు వేయాలి. చల్లారిన తరువాత ఈ మిశ్రమాన్ని మెత్తగా నూరుకోవాలి.
ఇప్పుడు పాన్ ను మళ్లీ స్టవ్ మీద పెట్టి రుబ్బిన మసాలా వేసి ఉప్పు సరి చూసి పన్నీర్ ముక్కలు వేసి తక్కువ మంట మీద 15 నిమిషాలు ఉడికించి దించాలి. దించే ముందు కొత్తి మీర చల్లితే సరి.
No comments:
Post a Comment